فنجان شاى مع سيجارتين
ما بين العصر و المغرب
ونظرة شوق فى نار قلبين
مع السكر بتتقلب
وصورة حب مرسومه
...فى قاعدة صيف
ماتعرف مين كان التايه
و مين الطيف
وكان الحب عازمنا و بيراوغ بقاله سنين
صدق ويانا فى اليوم ده جرينا و تننا رايحين
لحد هناك و زاغ منا وسابنا لوحدنا قاعدين
فنجان شاى مع سيجارتين ما بين العصر و المغرب
*************
فضلت اشادى على كلمه عايز اقولها
و اترجى فكرى يساعدنى علشان اطولها
راح فين الكلام اللى عايز احكيه لحبيبتى
هايتقال امتى يا قلبى اذا ما اتقلش دلوقتى
اتارى الفكر كان سارح
وواخد عقلنا ورايح
فى صورة القاعده اللى احنا
بنرسمها من امبااارح
*****************
مع فنجان شاى مع سيجارتين
ما بين العصر و المغرب
ونظرة شوق فى نار قلبين
مع السكر بتتقلب
بصيت لفنجانها لقيته عمال ينقص
وف ايدها ساعه بتستناه
مارتش اكمل فنجانى احسن يخلص
و تخلص القاعده وياه
وداريت مرور الزمن
فى أديها بأديه
علشان اخلى الزمن
ساعتى انا وهيه
وقلت احنا لسه بدرى خليكى شويه
انا عندى كلمه
عارفاها و ما تقولهاش
سمعاها سمهاها
ماتنطقهاش
انا عايشه فيها
وحاسه بيها
وجيت ارد عليك و عليها
*******************
فنجان شاى مع سيجارتين
مابين العصر و المغرب
ونظرة شوق فى نار قلبين
مع السكر بتقلب
فنجان شاى
موضوع: فنجان شاى مع سيجارتين 
